Parties du discours

Donation d'un cens de 40 sols de 1414 - parties du discours
  • Parties du discours

Suscription

Jehan, filz de roy de France, duc de Berry et d’Auvergne, conte de Poictou, d’Estampes, de Boulongne et d’Auvergne (l. 1)

Notification universelle

Savoir faisons a tous presens et a venir que (l. 2)

Exposé

nous, desirans a nostre povoir l’augmentacion de la dotacion de nostre Saincte-Chapelle de Bourges par nous au plaisir de Dieu nagueres fondee, et afin que le service divin y soit mieulx et plus honnorablement fait et celebré (l. 2-4)

Dispositif intégrant une clause de tradition

avons donné, cedé et transporté, donnons, cedons et transportons, de nostre certaine science et ferme propos, perpetuelment et a tousjours, a noz chiers et bien amez les tresorier et chapittre de nostredicte chapelle, quarante sols parisis de cens que nous avions et prenions chascun an sur la maison qui fut Perrin Sadon, assise a la Portetornoise(1), et laquelle lesdiz tresorier et chapittre ont naguaires acquise ; et d’iceulx quarante sols parisis de cens nous dessaisissons et devestissons, et en saisissons et vestissons par la tradicion de ces presentes lettres lesdiz tresorier et chapitre, et voulons qu’ilz en joÿssent doresenavant perpetuelment et a tousjours sans aucun contredit ou empeschement, comme de leur propre chose (l. 4-9)

Clause injonctive n° 1 (Chambre des comptes)

Si donnons en mandement a noz amez et feaulx gens de noz comptes a Bourges que desdiz quarante sols parisis de cens chascun an ilz mettent ou facent mettre, reaulment et de fait, lesdiz tresorier et chapitre, ou leur procureur pour eulx, en bonne possession et saisine reelle et corporelle, et d’icelle les facent joïr et user plainement, paisiblement, perpetuelment et a tousjours, sanz les empeschier ne souffrir estre empeschiez aucunement au contraire (l. 9-13)

Clause injonctive n° 2 (reveceur de Berry)

Mandons aussi a nostre receveur de nostre demaine de nostredit païs de Berry, present et a venir, que d’iceulx quarante sols parisis de cens chascun an doresenavant il ne face recepte ne mise en ses comptes (l. 13-15)

Corroboration perpétuelle et annonce du sceau

Et afin que ce soit ferme chose et estable a tousjours, nous avons fait mettre nostre seel a ces presentes lettres (l. 15-16)

Date de lieu et de temps

Donné a Paris, ou mois de juing, l’an de grace mil quatre cens et quatorze (l. 16)

Mention de commandement

Par monseigneur le duc (repli)

Signature du secrétaire ducal

J. Flamel (repli)