Parties du discours

Engagement à restituer le reliquaire du chef de Saint Jacques de 1412 - parties du discours
  • Parties du discours

Suscription

Jehan, filz de roy de France, duc de Berry et d’Auvergne, conte de Poictou, d’Estampes, de Boulongne et d’Auvergne (l. 1)

Adresse universelle

a touz ceulx qui ces lettres verront(l. 1-2)

Salut

Salut (l. 2)

Exposé

Comme pour les grans affaires qui depuis trois ans en ça nous sont survenuz nous aions fait grans et excessives despences et encorre nous conviengne fere a present pour aucunes causes, lesquelles nous ne voulons ci exprimer, et pour fournir et entretenir icelles despences nous soit neccessité nous aidier, tant du nostre comme des joyaulx d’argent que pieça par noz autres lettres patentes seellees de nostre grant seel en laz de soie et cire vert avions donnez a nostre chapelle de nostre palais de Bourges, en laquelle nous avons pour ce fait prandre en nostre presence par nostre amé et feal conseillier et tresorier general Macé Heron, pour nous aidier et secourir a ce que dit est, ce qui s’ensuit, c’est assavoir un grant chiep de saint Jaques d’argent doré, seant sur un entablement ou il a plusieurs esmaulx faiz de noz armes, et en la croisillequi est ou chapel a un camahieu, quatre balaizet cinq grosses perles, et entour la bourdeure dudit chapel a seze petis balaiz, tro[is saphirs], quinze esmeraudes, trante quatre trochetz de perles, a chascun trochet trois perles, qui font cent deux perles, pesant tout ensemble qua[tre vins]sept marcs six onces d’argent (l. 2-10)

Notification

Savoir faisons (l. 10)

Exposé

que nous qui pour chose qui peust avenir, ne vouldrions ledit chiep de saint Jaques par nous donné pour la decoracion de nostredicte chapelle reprandre sanz restitucion ou sattiffacion convenable (l. 10-11)

Dispositif

promettons en bonne foy et soubz l’obligacion de touz noz biens, meubles et immeubles, p(rese)ns et a venir, rendre et restituer a nostredicte chapelle ledit chiep de saint Jaques d’argent doré sanz rens en retenir, ou la valeur et estimacion qu’il puet valoir (l. 12-13)

Clause d’obligation

et a ce obligons nous, noz hoirs et successeurs et touz noz biens, meubles et immeubles, presens et a venir (l. 13-14)

Corroboration probatoire et annonce du sceau

En tesmoing de ce, nous avons fait mectre nostre seel a ces presentes (l.14)

Date de lieu et de temps

Donné en nostre ville de Bourges, le XVIIme jour de may, l’an de grace mil quatre cens et douze (l. 15)

Mention de commandement

Par monseigneur le duc (repli)

Signature du secrétaire

P. de Gyves (repli)